Қазақстан Республикасы Президентінің жанындағы Мемлекеттік басқару академиясының жобалау кеңсесі «Жаттықтырушы-кеңесшінің» ІV деңгейіне сертификаттық тренинг өткізді. Бұл деңгей ҚР СТ ISO 21500-2014 «Жобаларды басқару жөніндегі нұсқаулық», ҚР СТ ISO 21503-018 «Бағдарламаларды басқару жөніндегі нұсқаулық», ҚР СТ ISO 21504-2016 «Портфельді басқару жөніндегі нұсқаулық» ұлттық стандарттары бойынша ұйым қызметкерлерін оқыту құқығын береді.
⠀
Біздің әріптесіміз – аға оқытушы және менеджмент магистрі Сұлу Темірова бағалаудың барлық кезеңдерінен сәтті өтіп, ҚР ISO жүйесінің жобалау менеджменті саласындағы Ұлттық стандарт талаптарына сай «Жаттықтырушы-кеңесші» категориясы бойынша сертификатқа ие болды.
⠀
Біз Сұлу Темірованы шын жүректен құттықтай отырып, оған әрдайым алға қойған мақсаттарына жетіп, жұмысында жоғары нәтижелерге жетуді тілейміз! Сіздің осы тағы бір жетістігіңіз алдағы жеңістер мен самғаудың сәтті бастамасы болсын!
⠀
Сонымен қатар, жобалауды басқару бойынша оқытуға мүмкіндік жасап отырған Қазақстан Республикасының Президенті жанындағы Мемлекеттік басқару Академиясына алғыс білдіреміз!
