Қазақстан Республикасы Мемлекеттік қызмет істері агенттігінің Маңғыстау облысы бойынша департаменті бастамасымен «Мемлекеттік қызметші мектебі» жобасы өз жұмысын бастады.
Yessenov University студенттеріне жоспарланған шаралар мен дәріс берулер Қазақстан Республикасы Президентінің жанындағы Мемлекеттік басқару академиясының Маңғыстау облысы филиалының базасында өтуде.
Мектеп өзінің алғашқы күнін облыстық Қазақстан халқы ассамблеясының және Академия филиалының ғимаратымен, ондағы тарихи мәні бар орындармен филиал директоры, философия ғылымдарының докторы, профессор Айгүл Амангелдіқызы Демеуова таныстырудан бастады.
Шараның ашылу салтанатына Қазақстан Республикасының Мемлекеттік қызмет істері агенттігінің Маңғыстау облысы бойынша департамент басшысының орынбасары Е.Мендалиев және филиал директоры А.Демеуова тыңдаушыларға жылы лебіздерін жеткізіп, алдағы өткізілетін шараларға сәттілік тіледі.
